skissa.is er lítil en úrræðagóð smiðja sem síðastliðinn áratug hefur starfað í hljóði fyrir fáa en mjög trausta viðskiptavini.

En … nú sem sagt ætlum við að kynna okkur aðeins til sögunnar enda daginn tekið að lengja.

  • Við tökum að okkur allt umbrot og lokafrágang á efni til prentunar og/eða til rafrænnar útgáfu.
  • Við sjáum um uppsetningu á hinum ýmsu eyðublöðum og formum, þá einnig vef-formum sem ætluð eru til birtingar og útfyllingar á stafrænan hátt. Hýsum einnig slík form ef þörf er á.
  • Við útbúum nafnspjöld og hvers kyns skírteini þar sem þú skilar okkur Excel-skjali með upplýsingum ásamt myndum af viðkomandi og færð til baka skjal eða skjöl (pdf eða jpg) tilbúin til prentunar.
  • Við setjum upp einnar síðu snjallvefi (auglýsingavefi sem skala sig eftir búnaði þess sem skoðar) og hýsum til lengri eða skemmri tíma.
  • Við útvegum tilboð í prentun sé þess óskað. Erum í góðu sambandi við prentsmiðjur bæði hér innanlands sem og erlendis og eigum einnig gott samstarf við kortaprent.is.
Við tökum vissulega öllum verkefnum fagnandi og þá jafnt stórum sem smáum en sérhæfing okkar liggur einna helst í vinnslu á gagnagrunnstengdu efni. Einnig t.d. að koma gögnum frá Excel yfir í fullbúnar síður fyrir hefðbundna prentun og/eða rafræna birtingu, má þar nefna hvers konar lista og skrár með eða án tenginga við myndir.

Þar sem áhersla á öflun verkefna hefur verið lítil höfum við látið vefinn okkar sitja á hakanum en hann mun þó væntanlega þróast í rétta átt næstu misserin.

Endilega hafið samband:  info@skissa.is 

Vinsamlegast athugið: Af gefnu tilefni þá hefur skissa.is ekkert með skissa ehf að gera og hefur aldrei gert!